Golden House va APEX BANK strategik hamkorlik haqida e’lon qiladi
Golden House va APEX BANK ko’chmas mulk xaridorlari uchun zamonaviy moliyaviy yechimlarni rivojlantirishga qaratilgan strategik hamkorlik to’g’risidagi kelishuvni imzoladilar.
Mazkur hamkorlik O’zbekistonning yetakchi developerlaridan biri va jadal rivojlanib borayotgan bank tajribasini o’zida birlashtiradi. Birgalikdagi sa’y-harakatlar mijozlarga zamonaviy bozor talablariga mos keluvchi yangi moliyaviy vositalarni taklif etgan holda, uy-joy xarid qilish imkoniyatlarini kengaytirishga xizmat qiladi.
Kelishuvning imzolanishi ko’chmas mulk xaridini yanada hamyonbop va qulay qilishdek umumiy maqsad yo’lida birlashgan kompaniyalar o’rtasidagi uzoq muddatli hamkorlikning muhim bosqichi bo’ldi.
«Biz ishonamizki, ko’chmas mulk bozorining kelajagi – developer va moliyaviy hamkor mijozga o’z shaxsiy uyini xarid qilishi uchun maksimal darajada qulay yo’lni yaratib beradigan kompleks yechimlar bilandir. APEX BANK bilan kelishuvning imzolanishi bu yo’nalishdagi muhim qadam bo’lib, tez orada biz mijozlarimiz uchun yangi imkoniyatlar eshigini ochadigan qo’shma mahsulotni taqdim etamiz», – deya ta’kidladi Golden House tijorat direktori Nargiza Usmonova.
Golden House va APEX BANK imzolangan kelishuvni turar-joy ko’chmas mulk bozorini rivojlantirishga hamda xaridorlarning kutilmalariga javob beradigan zamonaviy moliyaviy xizmatlarni yaratishga qaratilgan uzoq muddatli hamkorlikning boshlanishi sifatida ko’radi.
