Bizda Ipoteka
bor
"Sag‘bon" – Golden House kompaniyasining komfort klassga mansub turar joy majmuasi bo‘lib, zamonaviy texnologiyalar asosida ekologik toza va energiyani tejovchi pishiq g‘ishtlardan qurilgan to‘qqiz qavatli baland imoratlardan iborat. Majmua loyihasi shunday amalga oshirilganki, uylarning joylashuvi to‘g‘riburchak shaklga ega bo‘lib, uning ichida bolalar maydonchalariga ega yashil maydon namoyon bo‘ladi.
Majmuaning fasad qismi huddi nafis choyshabnikidek qaymoq rangida aks etgan, bu esa o‘z navbatida Sharqona muhitni zamonaviylik chizgilari bilan to‘ldirgan holda yanada boyitadi. Ajablanarlisi shundaki, bu yerda hukm suruvchi osoyishtalik va xotirjamlik muhiti sershovqin shahar hayotining barcha atributlari bilan uyg‘unlashgandir. Shu bilan birga, fasad qismining o‘ziga xos ajralib turuvchi relyefi va betakror bezaklar geometriyasi Sag‘bonni Golden House ning eng muhtasham loyihalaridan biriga aylantira oldi. Ichki xonalarni bezatish uchun tabiiy ranglar va materiallar tanlangani bois kirish qismidanoq sizni shinam uydagi osoyishtalik muhitiga chorlaydi.
Muhtasham majmua baxtli va farovon yorqin va unutilmas voqealarga boy hayot uchun barcha narsa muhayyo bo‘lgan hududda joylashgan. Obodonlashtirilgan ichki hovli, zamonaviy bolalar o‘yingohlari, bolalar bog‘chasi, manzarali landshaft dizayn – bular majmuaning bir qator afzalliklaridir. Hududning rivojlangan infratuzilmasi, savdo va maishiy maqsadlar uchun mo‘ljallangan ko‘plab ijtimoiy obyektlar bir qadamlik masofada joylashgani Sag‘bon turar joy majmuasining afzalliklari ro‘yxatini yanada to‘ldiradi.
Majmua hududi yopiq tarzda begonalardan mustahkam qo‘riqlanadi. Binoning birinchi qavatida militsiya punkti joylashgan bo'ladi. Xavfsizlik uchun majmua perimetri bo‘ylab o‘rnatilgan videokuzatuv kameralari, shuningdek, muhofazalanuvchi hududning yuqori darajada malakali va professional xodimlari mas’ul bo‘ladi.
Kvartirani ta'mirlash
Joylashuv
"Sag‘bon" turar joy majmuasi Olmazor tumanidagi Sag‘bon ko‘chasining 10 -o‘tish joyidagi Guruch Ariq mahallasida, Kichik xalqa yo‘li va Qorasaroy ko‘chasi chorrahasidan uncha uzoq bo‘lmagan joyda joylashgan – bu barchaga Eski shahar nomi bilan mashhur Toshkentning tarixiy markazidir.
SALOMATLIK
Tibbiy muassasalar salomatligingizni tiklashga va turli xastaliklarning oldini olishga yordam beradi. Shu yaqin orada Medical care service, Parents Holiday, Zilola, Doctor lor, Galenika, Estetika P. H. Clinic xususiy tibbiy muassalari; shuningdek, 17-sonli poliklinika, 2-sonli tug‘ruq majmuasi, tez tibbiy yordam punkti, Toshkent shahar sil va pulmonologiya klinik shifoxonasi va boshqalar mavjud.
TA’LIM
Yosh bolali oilalar uchun eng zarur jihat – bu bir qadam yaqinlikda maktab va bolalar bog‘chalari bo‘lishidir. Buning albatta imkoni bor, chunki 28, 159, 185, 133-sonli va boshqa o‘rta ta’lim maktablari yurish masofasida joylashgan. Eng yaqin bolalar bog‘chasi esa majmuadan piyoda 10-15 daqiqalik yo‘l. Bularni inobatga olgan holda majmua hududida xususiy bolalar bog‘chasini qurishga qaror qildik.
Savdo nuqtalari
“Sag‘bon” aholisi uchun xaridlarni amalga oshirish juda oson va qulay bo‘ladi. Makro supermarketlari 5 daqiqa, Qoraqamish va Chorsu bozorlari esa 5 va 7 daqiqalik masofada joylashgan. Bundan tashqari, bir qadamli masofasida turli oziq-ovqat mahsulotlaridan tortib, texnik buyumlar va to‘'y liboslarigacha mavjud bo‘lgan ko‘plab do‘konlar bor.
OVQAT VA O'YIN -KULGI
Oilaviy sayr qilish uchun Nurafshon bog‘i va Abdulla Qodiriy nomidagi madaniyat va istirohat bog‘i juda qulaydir. Bir kilometr masofada esa ko‘plab kafe va restoranlar mavjud. "Sag‘bon" aholisining har biri mazali ovqatlardan va shu atrofdagi ko‘plab milliy oshxonalarning ajoyib taomlaridan bahramand bo‘lishlari mumkin.
Секция 1
Секция 2
Секция 3
Секция 4
Секция 5Yaqin atrofdagi joylar
Xonadon xarid qilib olishning 5ta oson yo‘li
Bolalar bog‘chasi
Hududdagi bir qadamlik masofada ko‘plab maktablar mavjud, ammo eng yaqin bolalar bog‘chalariga 10-15 daqiqada yetib borish mumkinligini hisobga olgan holda turar-joy majmuasi foydalanishga topshirilgunga qadar ikkinchi inshootning ichida joylashgan 90 o‘ringa mo‘ljallangan xususiy bolalar bog‘chasi bo‘ladi. Mazkur maktabgacha ta’lim muassasasida ovqatlanish xonasi, raqs va musiqa xonalari, sport zali, logoped kabineti, o‘quv xonalari va boshqalar mavjud.
118, 168, 169, 88, 26, 190, 551, 269-sonli maktabgacha ta’lim muassasalari, shuningdek xususiy bolalar bog‘chalari Sumbula, Ziyo kids, Indigo Land va boshqalar.
Diniy markazlar
Xast-imom – Toshkentdagi musulmonlarning yuragi
Xast-Imom (Xazrati Imom) maydoni – Toshkentning diniy markazi. Xast-Imom eski shaharda, xattoki 1966 yilgi zilziladan ham omon qolgan eski loysuvoq va toshli uylar ichkarisida joylashgan.
Ushbu majmua Toshkent shahridagi eng birinchi imomlaridan biri, taniqli olim, Qur’on va hadis ilmi bo‘yicha bilimdon mutaxassisi, shoir, shuningdek hunarmand Hazrati Imom qabri yonida qad rostlagan.
Xast-Imom maydoni hududida XVI asrda qurilgan Barakxon madrasasi, Tilla-Shayx masjidi, Avliyo Abu-Bakr Kaffol Shoshiy maqbarasi va Imom al-Buxoriy nomidagi Islom instituti mavjud bo‘lib, u yerda kelgusida imom (voizlar) bo‘lib yetishuvchi talabalar tahsil oladi. Barak-Xon madrasasida esa muftiy boshchiligidagi O‘zbekiston musulmonlari idorasi joylashgan. Bu yerda shuningdek, sharq qo‘lyozmalarining boy kutubxonasi mavjud. Xalifa Usmonning dunyoga mashhur qadimiy Qur’on – Usmoniylar Qur’oni kutubxonaning maxsus xonasida saqlanadi. Ushbu muqaddas Kitob VII asrda yozilgan bo‘lib, butun tarixi davomida ko‘plab shahar va mamlakatlarda bo‘lgan.
Imom At-Termiziy masjidi – 1850 kishiga mo’ljallangan Toshkentning yangi me’moriy obidasidir. U SAG‘BON turar-joy majmuasidan 2,3 km uzoqlikda, avtomashinada 5 daqiqalik masofada joylashgan.
Taxtapul masjidi esa SAG‘BON turar-joy majmuasidan 2,6 km uzoqlikda, avtomashinada 5 daqiqalik masofada joylashgan
Ta’lim muassasalari
28, 11, 146, 119, 159-sonli umumta’lim maktablari, 36-maxsus maktab, Kembrij xalqaro maktabi (Toshkent Kampus), Suv sporti bo‘yicha ixtisoslashtirilgan bolalar va o‘smirlar maktabi, shuningdek Bright, Oriental school, Target Education, Space learning centre, Brilliance Learning Center, You Matter va boshqa o‘quv markazlari. Shuningdek, yaqin masofada Toshkent davlat Sharqshunoslik instituti qoshidagi akademik litseyi ham joylashgan.
Maktablar:
SAG‘BON turar joy majmuasiga eng yaqin 28-sonli o‘rta maktab 700 metr uzoqlikda piyoda 8 daqiqada, avtoda esa 3 daqiqada yetib borasiz
- № 28
- № 159
- 185 -son
- № 133
- 233 -son
- № 11
- № 24
- № 119
- № 146
- 20 -son
- № 150
- CIS TASHKENT
Istiroxat bog‘lari
Abdulla Qodiriy nomidagi madaniyat va istirohat bog’i
2011-yilda bog‘da keng ko‘lamli rekonstruksiya ishlari olib borildi, va uning hududida ko‘plab madaniy hordiq chiqarish ob’yektlari ta’mirlandib qayta qad rostladi. Mazkur bog‘ ochiq havoda uch ming tomoshabinni o‘z bag‘riga sig‘dira oluvchi ulkan amfiteatrga egaligi bilan har qancha maqtansa arziydi. Bu yerda tez-tez turli festivallar va boshqa ommaviy tadbirlar o‘tkaziladi, bog‘ning yonginasida esa Zarkaynar milliy san’at markazi ham joylashgan. Bog‘ yosh bolali oilalar uchun juda manzur bo‘lishi, shubhasizdir. Bu yerda kichkintoylarga ham, ularning ota-onalariga ham yoqadigan ko‘plab attraksionlarni uchratishingiz mumkin. SAG‘BON turar joy majmuasidan avtoda 4 daqiqa, 3,2 km uzoqlikda yuqoridan turib, yon-atrofni maroqli tomosha qilish imkonini beruvchi aylanma xalqasi bog‘ning chinakam g‘ururi hisoblanadi.
“Nurafshon” bog‘i
Ilgari “Oymomo” nomi bilan mahhur bo‘lgan Nurafshon bog‘i tuman hokimligidan uzoq bo‘lmagan hududda joylashgan.
Xiyobonda aylanma xalqa, gorkalar, shuningdek elektromobillar mavjud. Yangi diqqatga sazovor attraksionlar orasida: paravozli poezdlar va yosh bolalar uchun turli o‘yinchoq mashinalar mavjud, karusellar, pufakli hovuz, tir (merganlik galereyasi), ertaknamo havo qasri, gips figuralarini yasash uchun ijod burchagi, “baliq ovlash” hovuzi alohida ajralib turadi. Faol xordiq chiqarish istagida bo‘lganlarni esa maxsus ping-pong stollari mamnun etadi. Boshqa bir-biridan ajoyib attraksionlar uchun maydonchalar tayyorla qo‘yilgan.
SAG’BON turar joy majmuasidan avtoda 3 daqiqa, 2,8 km uzoqlokda joylashgan mazkur bog‘ hududida muzqaymoq, popkorn, shirin “paxta” bo‘lgan ikkita kafeteriy, shuningdek, ikki qavatli milliy taomlar kafesi mavjud.
Chor-Su bozori – eski shahar “yuragi”
“Chorsu” (Chor-su – “to‘rtta yo‘l” yoki “to‘rtta oqim”) nomi bilan mashhur bo‘lgan “Eski juva” (“Eski minora”) ko‘xna bozori eski shahardagi to‘rtta savdo ko‘chalari kesishmasida joylashgan bo‘lib, aql bovar qilmas darajadagi betakror va tarixiy me’moriy qurilish uslubi, ko‘hna xalq madaniyati aks etgan maskan, rang-barang yorqin va jozibali buyumlari bilan kishilarni hayratga solib kelmoqda. O‘rta asrlardayoq Buyuk Ipak yo‘li savdo karvonida katta ahamiyatga ega bo‘lganligi sababli ma’lumu mashhur bo‘lgan mazkur maskanni nafaqat Toshkentdagi, balki butun Markaziy Osiyodagi eng qadimiy bozorlardan biri deb atash mumkin. Shuni alohida ta’kidlash joizki bunday ko‘hna bozor muhtasham SAG’BON turar-joy majmuasidan shaxsiy avtomomashinangizda 3,2 km uzoqlikdagi masofada joylashgan. Shuningdek, SAG’BON turar-joy majmuasi yaqinida Jomiy qurilish bozori ham joylashgandir.
